“ისთ ფოინთის” ახალი სივრცის ელექტრიფიკაცია “საქკაბელის” მიერ წარმოებული, საერთაშორისო სტანდარტის საკაბელო პროდუქციით განხორციელდა. “ისთ ფოინთის” ახალი სივრცე 50.000 კვ.მ-ზე განთავსებულ სავაჭრო სივრცეებს, კვების ობიექტებსა და საპარკინგე ზონას აერთიანებს.
“ობიექტის საზოგადოებრივი დანიშნულებიდან გამომდინარე, ელექტროსამონტაჟო სამუშაოების დაგეგმვისას განსაკუთრებული ყურადღება უსაფრთხოებას დაეთმო. სწორედ ამიტომ, პროექტში „საქკაბელის“ მიერ წარმოებული უმაღლესი ხარისხის პროდუქცია გამოვიყენეთ, რომელიც საიმედოდ უზრუნველყოფს ელექტროენერგიის მიწოდებას. მოლის შიდა სივრცეები კი, ევროპული ბრენდის, Schneider Electric-ის ავტომატური ამომრთველებით, გამანაწილებელი ფარებითა და ელექტრო ფურნიტურით მოვაწყვეთ. პროექტში გამოყენებული თანამედროვე მიდგომები და საერთაშორისო ხარისხის პროდუქცია საიმედოდ უზრუნველყოფს თითოეული სივრცის სრულფასოვან და უსაფრთხო ფუნქციონირებას”, – “მონტაჟ ჯორჯიას” ელექტროინჟინერი, ანა მოსიაშვილი.
აღსანიშნავია, რომ ისთ ფოინთის თავდაპირველი სივრცის ელექტრიფიკაციაც “მონტაჟ ჯორჯიასა” და “საქკაბელის” კოლაბორაციით განხორციელდა. 100 000 კვმ.მ-ზე განთავსებულ სივრცეს უკვე წლებია ათასობით ვიზიტორი სტუმრობს და ელექტროენერგია შეუფერხებლად მიეწოდება.