„საქკაბელმა“ ეკონომიკის განვითარების კორპორაციის (GEDC) დირექტორს, ირაკლი გაბრიაძეს, საწარმოში უმასპინძლა. ვიზიტის ფარგლებში ის საკაბელო პროდუქციის წარმოების სრულ ციკლსა და შესაძლებლობებს გაეცნო.
„საქკაბელსა“ და ეკონომიკის განვითარების კორპორაციას 2015 წლიდან მჭიდრო თანამშრომლობა აკავშირებთ. აღნიშნულმა პარტნიორობამ მნიშვნელოვანი როლი შეასრულა კომპანიის განვითარებასა და საწარმოო შესაძლებლობების გაფართოებაში, მათ შორის საწარმოო დანადგარების განახლებისა და წარმოების განვითარების მიმართულებით.
„საქკაბელი“ მუდმივად ზრუნავს საწარმოო პროცესების განვითარებაზე, პროდუქციის ხარისხის გაუმჯობესებასა და ასორტიმენტის გაფართოებაზე. კომპანია მომხმარებლებს სხვადასხვა დანიშნულების 2,000-მდე დასახელების საკაბელო პროდუქციას სთავაზობს, რომლის ხარისხიც წარმოების ყველა ეტაპზე კონტროლდება.
დღეს „საქკაბელის“ პროდუქცია სამი კონტინენტის ბაზარზეა წარმოდგენილი. რაც კომპანიის საერთაშორისო წარმატებასა და ქართული წარმოების მზარდ კონკურენტუნარიანობას ასახავს.