„საქკაბელმა“ ჩეხ პარტნიორებს, კომპანია Allkabel-ის წარმომადგენლებს, საწარმოში უმასპინძლა. სამუშაო ვიზიტის ფარგლებში სტუმრები საკაბელო პროდუქციის წარმოების სრულ ციკლს გაეცნენ – ნედლეულის მიღებიდან მზა პროდუქციის წარმოებამდე. მათ ასევე დაათვალიერეს საწარმოო ინფრასტრუქტურა და საგამოცდო ლაბორატორია, სადაც პროდუქციის ხარისხის კონტროლი და შესაბამისი ტესტირება ხორციელდება.
„საქკაბელის“ პროდუქციის ექსპორტი ჩეხეთის ბაზარზე 2025 წლიდან ხორციელდება, ხოლო Allkabel მის დისტრიბუციას ჩეხეთსა და სლოვაკეთში უზრუნველყოფს. ამჟამად პარტნიორობა საკაბელო პროდუქციის სამ ტიპს მოიცავს, რაც ევროპულ ბაზარზე თანამშრომლობის შემდგომი გაფართოების საფუძველს ქმნის.
ვიზიტის ფარგლებში მხარეებმა ერთმანეთს გამოცდილება გაუზიარეს და სამომავლო გეგმები განიხილეს.
ჩეხ და სლოვაკ პარტნიორებთან თანამშრომლობა „საქკაბელის“ საექსპორტო საქმიანობის განვითარების მნიშვნელოვანი მიმართულებაა. ახალი პროდუქტების ათვისება და პარტნიორული ურთიერთობების გაღრმავება კომპანიას შესაძლებლობას აძლევს, გააფართოოს საკუთარი პროდუქციის წილი ევროპულ ბაზრებზე და გააძლიეროს ქართული წარმოების პოზიციები საერთაშორისო ასპარეზზე.