“საქკაბელმა” სამშენებლო კოლეჯ „კონსტრუქტ2-ის“ სტუდენტებს უმასპინძლა. შრომის უსაფრთხოებისა და გარემოსდაცვითი ტექნოლოგიების პროფესიული საგანმანათლებლო პროგრამის სტუდენტებმა სასწავლო ვიზიტით საქკაბელის საწარმო დაათვალიერეს.
ვიზიტის ფარგლებში, სტუდენტები შრომის უსაფრთხოებისა და გარემოს დაცვის ნორმებს გაეცნენ და აღნიშნული მიმართულებებით “საქკაბელის” მიერ გადადგმული ნაბიჯების შესახებ შეიტყვეს. გარდა ამისა, მონაწილეებმა სფეროს პროფესიონალებთან ერთად რისკების შეფასების აქტივობები განახორციელეს.
“საქკაბელმა” სიამოვნებით უმასპინძლა სასწავლო ვიზიტის ფარგლებში კოლეჯ კონსტრუქტ2-ის სტუდენტებს. მონაწილეებს შესაძლებლობა ჰქონდათ, სფეროს პროფესიონალებისგან მიეღოთ ინფორმაცია “საქკაბელში” მოქმედი შრომის უსაფრთხოებისა და გარემოსდაცვითი ნორმების შესახებ. მოხარული ვართ, მხარი დავუჭიროთ მომავალი პროფესიონალების განათლებასა და განვითარებას. “საქკაბელისა” და „კონსტრუქტ2-ის“ თანამშრომლობის ფარგლებში, მომავალშიც გავაგრძელებთ საგანმანათლებლო და განმავითარებელი აქტივობების განხორციელებას” – აცხადებენ “საქკაბელში”.
