“საქკაბელის” წიგნის კლუბის ფარგლებში სამი კოენთან შეხვედრა გაიმართა. სპიკერმა საკუთარი წიგნის შესახებ ისაუბრა და “საქკაბელის” თანამშრომლებთან ერთად განიხილა, თუ როგორ გავაუმჯობესოთ ცხოვრების ხარისხი და ვიარსებოთ შიშს მიღმა.
“მოხარული ვარ, რომ მქონდა შესაძლებლობა წიგნის კლუბის წევრებთან ერთად განმეხილა ჩემი წიგნი, სახელწოდებით ”ცხოვრება შიშს მიღმა“. მონათხრობით მინდოდა გამეზიარებინა, თუ როგორ შეგვიძლია დაკარგული ხალისის დაბრუნება. მიზანი არა მხოლოდ ჩვენი ცხოვრების ხარისხის გაუმჯობესებაა, არამედ იმ წარმატების მიღწევაც, რომელიც ჩვენს მატერიალურ და სულიერ სამყაროში ხალისს შემოაქვს. შიშსა და ღელვას კონკრეტული ფუნქცია აქვს − ისინი ჩვენს გადარჩენას უზრუნველყოფენ. თუმცა, ჩვენი ცხოვრება ხალისის მხოლოდ იმ მცირე რაოდენობით შემოიფარგლება, რომლის მიღწევასაც მოვახერხებთ, თუკი შიშის მიღმა არსებობას არ ვისწავლით.
შეხვედრის მონაწილეებთან ერთად საინტერესო რეფლექციები გვქონდა. ვისაუბრეთ იმაზე, თუ რატომ არის ასეთი რთული იმის ცოდნა, თუ ვინ ვართ და რა გვინდა სინამდვილეში. ძალიან საინტერესო დისკუსია შედგა და იმედი მაქვს, კიდევ მომეცემა “საქკაბელის” წიგნის კლუბთან შეხვედრის შესაძლებლობა“, – სამი კოენი, მწერალი და LEO ინსტიტუტის დამფუძნებელი.
“საქკაბელის” წიგნის კლუბი თანამშრომლების ერთობლივი ინიციატივით შეიქმნა, რომელიც მიზნად ისახავს საინტერესო და შემეცნებითი დისკუსიებით ხელი შეუწყოს თანამშრომელთა უწყვეტ განვითარებას.
