საქართველოს საკაბელო ინდუსტრიის ლიდერი კომპანია „საქკაბელი“ ინოვაციების დანერგვას განაგრძობს. ამჯერად „საქკაბელმა“ საწარმოო ხაზი ადგილობრივი ბაზრისთვის სრულიად ახალი პროდუქტით, სექტორული ტიპის კაბელით გააფართოვა, რომელიც საერთაშორისო სტანდარტების შესაბამისად იწარმოება და უკვე წარმატებით ექსპორტირდება ევროკავშირის ბაზარზე.
აღნიშნული კაბელი დენგამტარებისა და იზოლაციის სექტორისებრი ფორმით გამოირჩევა, რაც პროდუქტს უფრო კომპაქტურს ხდის და ინსტალაციის პროცესს ამარტივებს. „საქკაბელი“ სექტორული ტიპის კაბელების წარმოებას ადგილობრივ ბაზარზე კარგად ნაცნობი, 6 დასახელების კაბელისთვის უზრუნველყოფს. ესენია: სპილენძის სამონტაჟო (NYY, N2XY), ალუმინის სამონტაჟო (NAYY, NA2XY) და ჰალოგენისგან თავისუფალი(N2XH, NA2XH) კაბელები, რომლებიც არ ავრცელებენ ალს და ამცირებენ კვამლის წარმოქმნას.
აღსანიშნავია, რომ „საქკაბელის“ მიერ წარმოებული საკაბელო პროდუქციის ექსპორტი 2010 წლიდან ხორციელდება. 2023 წელს „საქკაბელის“ პროდუქცია ევროკავშირის წევრ ქვეყნებში, ხოლო მოგვიანებით ახლო აღმოსავლეთსა და სამხრეთ ამერიკის კონტინენტზე გამოჩნდა.
„სექტორული დენგამტარით დამზადებული კაბელების წარმოება კიდევ ერთ მნიშვნელოვან ეტაპს წარმოადგენს „საქკაბელის“ უწყვეტი განვითარების გზაზე. მოხარული ვართ, ვიყოთ პირველი ქართული კომპანია, რომელიც აღნიშნულ პროდუქტს საერთაშორისო სტანდარტების დაცვით აწარმოებს. „საქკაბელის“ მიერ წარმოებული სექტორული კაბელი სრულად პასუხობს თანამედროვე სამრეწველო და ინფრასტრუქტურული პროექტების მოთხოვნებს და უკვე წარმატებით გამოიყენება ევროკავშირის ბაზარზე, რაც კიდევ ერთი დასტურია იმ ნდობისა, რომელსაც ჩვენი საერთაშრისო პარტნიორები გვიცხადებენ. გვეამაყება, ჩვენი საქმიანობით არამხოლოდ ადგილობრივი საკაბელო ინდუსტრიის განვითარებას შევუწყოთ ხელი, არამედ წვლილი შევიტანოთ ქვეყნის საექსპორტო პოტენციალის ზრდაში“,- „საქკაბელის“ მმართველი დირექტორი, დავით კაპანაძე.