m²-ის საცხოვრებელ კომპლექსში ელექტრო სამუშაოები „საქკაბელის“ მიერ წარმოებული პროდუქციით განხორციელდა, რომელიც ევროპული სტანდარტებითაა დამზადებული და უსაფრთხოების მაღალი ხარისხით გამოირჩევა. “m² მირცხულავაზე” ერთ-ერთი მასშტაბური პროექტია თბილისში, რომლის ელექტრო-მექანიკური საინჟინრო სისტემების მოწყობა კომპანია “ზერონმა” უზრუნველყო.
„ზერონი“ დაარსების დღიდან აქტიურად თანამშრომლობს საკაბელო ინდუსტრიის ლიდერ კომპანია „საქკაბელთან“. უსაფრთხოების უზრუნველსაყოფად, აღნიშნულ პროექტზე ჩვენმა გუნდმა სწორედ „საქკაბელის“ სერტიფიცირებული, ევროპული სტანდარტებით დამზადებული საკაბელო პროდუქცია გამოიყენა. პროექტის ფარგლებში გათვალისწინებული ელექტროობისა და სუსტი დენების საინჟინრო სისტემის ინსტალაციის პროცესში, სხვადასხვა სივრცეში, გამოყენებულ იქნა, როგორც სამონტაჟო და ცეცხლმედეგი, ასევე ჰალოგენის არ შემცველი პროდუქცია. როგორც დამკვეთისთვის, ასევე ჩვენთვის ძალიან მნიშვნელოვანი იყო, რომ გამანაწილებელ ფარებში პრემიუმ ხარისხის პროდუქციის მწარმოებელი ბრენდის „შნაიდერ ელექტრიკის“ პროდუქცია გამოგვეყენებინა. მოხარულები ვართ, ჩვენი აქტიური პორტფელის ფარგლებში ისეთ სტაბილურ და თანამედროვე სტანდარტებზე ფოკუსირებულ კომპანიასთან ვთანამშრომლობთ, როგორიცაა „საქკაბელი“, – მიხეილ აფხაზავა, “ზერონის” სამონტაჟო ჯგუფის ხელმძღვანელი.
