“თბილისის ქართულ-ამერიკული სკოლის” ელექტრიფიკაცია “საქკაბელისა” და “მონტაჟ ჯორჯიას“ კოლაბორაციით განახორციელა.
პროექტზე მუშაობისას, უმთავრეს პრიორიტეტს სკოლის შეუფერხებელი ფუნქციონირება და მოსწავლეებისთვის უსაფრთხო გარემოს უზრუნველყოფა წარმოადგენდა.
სწორედ ამიტომ, ობიექტზე „საქკაბელის“ წარმოების, საერთაშორისო ხარისხის სტანდარტული და ცეცხლმედეგი კაბელები იქნა გამოყენებული. დამატებითი უსაფრთხოებისათვის კი, ზოგიერთი მათგანი „საქკაბელისავე“ წარმოების გოფრირებულ მილებში მოთავსდა. სკოლის შიდა და გარე სივრცეები Schneider Electric-ის ავტომატური ამომრთველებით, როზეტებითა და სხვა ელექტრო ფურნიტურით აღიჭურვა.
სკოლა 4 500 კვადრატულ მეტრზე განლაგებულ, თანამედროვე სტანდარტების შენობა-ნაგებობებს აერთიანებს. ტერიტორიაზე მოწყობილია საკლასო სივრცეები, ლაბორატორიები, ბიბლიოთეკა, საინფორმაციო და კომპიუტერული რესურსცენტრი, სპორტული ინფრასტრუქტურა, საერთო საცხოვრებელი, კაფეტერია და საკონფერენციო დარბაზი.
