„საქკაბელის“ თანამშრომლებმა ელექტროობის შესახებ კოლეჯ „სპექტრის“ გადამზადების კურსი გაიარეს

პროფესიული განათლებისა და დასაქმების ხელშეწყობის მიზნით, „საქკაბელსა“ და კოლეჯ „სპექტრს“ შორის თანამშრომლობა კვლავ გრძელდება. პარტნიორობის ფარგლებში ამჯერად „საქკაბელის“ თანამშრომლებმა ელექტროობის შესახებ გადამზადების კურსი გაიარეს, რომელიც მონაწილეთა კვალიფიკაციის ამაღლებასა და ტექნიკური ცოდნის გაღრმავებას ისახავდა მიზნად.

“საკაბელში“ გვჯერა, რომ შემეცნება და ცოდნის გაღრმავება უწყვეტი ზრდის და განვითარების ერთ-ერთი მთავარი წინაპირობაა. დღესდღეობით „საქკაბელი“ ქვეყნის მასშტაბით 8 ოფიციალურ შოურუმს აერთიანებს, საიდანაც ჩვენი პროდუქციის რეალიზაციას ვახორციელებთ. მოხარული ვართ, რომ კოლეჯ „სპექტრთან“ კოლაბორაციით, აღნიშნულ ობიექტებზე დასაქმებული თანამშრომლების გადამზადება წარმატებით დასრულდა. ჩვენ მომავალშიც გავაგრძელებთ მსგავსი აქტივობების დაგეგმვას, რათა ხელი შევუწყოთ თანამშრომელთა პროფესიულ განვითარებას და კიდევ უფრო ხარისხიანი მომსახურება შევთავაზოთ ჩვენს მომხმარებელს“, – აცხადებენ „საქკაბელში“.