უსაფრთხო და საიმედო ელექტროგაყვანილობების უზრუნველსაყოფად კაბელების დაცვა ისეთივე მნიშვნელოვანია, როგორც თავად ხარისხიანი კაბელი. კაბელების მექანიკური დაზიანებებისგან დასაცავად კი, ხშირად გოფრირებული მილები გამოიყენება.
გოფრირებული მილი მოქნილი, ცილინდრული ფორმის მილია, რომელსაც ღარებიანი, ტალღისებური გარე ზედაპირი გამოარჩევს. სწორედ გოფრირებული ზედაპირი უზრუნველყოფს მილის მაღალ მოქნილობას და სტრუქტურულ სიმტკიცეს მექანიკური ზემოქმედების წინააღმდეგ.
აღნიშნული თვისებების წყალობით, მაღალი ხარისხის გოფრირებულ მილს საგრძნობლად შეუძლია შეამციროს ინსტალაციის დრო და ხარჯები, ვინაიდან ის მარტივი სამონტაჟოა ისეთ ადგილებშიც კი, სადაც განსაკუთრებულად მაღალია ღუნვის რადიუსი.
გოფრირებული მილები ფართოდ გამოიყენება შენობებში კაბელის კედელსა და იატაკში მონტაჟისას; ღია მონტაჟის დროს – როდესაც კაბელები კედლებსა და ჭერს გაუყვება; და მიწის ქვეშ, კაბელის ღია გრუნტში მონტაჟისას.
PE და PP მილები
„საქკაბელის“ საწარმოში გოფრირებული მილები IEC 61386-22:2021 საერთაშორისო სტანდარტის შესაბამისად, ორი განსხვავებული მასალისგან: პოლითილენისა (PE) და პოლიპროპილენისგან (PP) იწარმოება. მათი მექანიკური სიმტკიცე 320 ნიუტონს შეადგენს,
ორივე ტიპის გოფრირებული მილი ჰალოგენისგან თავისუფალია, შესაბამისად ხანძრის შემთხვევაში ისინი არ გამოყოფენ მხუთავ აირებს და არ წარმოადგენენ დამატებით რისკს ადამიანის ჯანმრთელობისა თუ გარემოსთვის.
პოლიპროპილენისგან დამზადებულ გოფრირებულ მილებს დამატებით თვითქრობადი თვისებაც გამოარჩევთ – ხანძრის შემთხვევაში ისინი არ ავრცელებენ ალს და ნაკლებად აკვამლიანებენ გარემოს, რითაც ხელს უწყობენ საევაკუაციო გასასვლელების ხილვადობას.
სწორედ აღნიშნული მახასიათებლებიდან გამომდინარე, პოლიპროპილენისგან დამზადებული გოფრირებული მილები განსაკუთრებით აქტუალურია სკოლებში, მუზეუმებში, საავადმყოფოებსა და სხვა ხალხმრავალ, დახურულ სივრცეებში.
ზომები და გამოყენება
„საქკაბელის“ წარმოების გოფრირებული მილები ოთხ სხვადასხვა ზომაში – 16 მმ, 20 მმ, 25 მმ და 32 მმ გვხვდება.
- 16 მმ და 20 მმ – იდეალურია შიდა სივრცეების გაყვანილლბებისათვის და ხშირად გამოიყენება საცხოვრებელ სივრცეებში.
- 25 მმ და 32 მმ – შესაფერისია შედარებით დიდი დიამეტრის კაბელებისათვის და ძირითადად სამრეწველო და გარე სივრცეებში გამოიყენება.
