საქკაბელი ახალ ნათებასთან დაპარტნიორდა,ამიტომ შნაიდერ ელექტრიკი პროდუქციის შეძენა ახალ ნათებაშიც შეგიძლიათ.
ალუმინისა და სპილენძის კაბელებისა და საიზოლაციო მასალების მწარმოებელი
სს საქკაბელი, რომელიც 2013 წლიდან Schneider Electric-ის ოფიციალური
პატნიორი და დილერია საქართველოში, ქართულ კომპანია „ახალ ნათებასთან“
დაპარტნიორდა.
საქკაბელისთვის საამაყოა ასეთ კომპანიასთან დამეგობრება და ერთად ყველას
სახლებში გამართულ სინათლეზე ზრუნვა- განაცხადა, საქკაბელის აღმასრულებელმა დირექტორმა დავით კაპანაძემ .
“ახალი ნათება” ქართულ ბაზარზე 1999 წლიდან ოპერირებს და ერთ-ერთ
უმსხვილეს ქსელს წარმოადგენს. ქვეყნის მასშტაბით, კომპანია ფლობს 18
მაღაზია-სალონს, რომელთაგან 12 თბილისში, ხოლო 6 რეგიონებშია
განთავსებული: გორში, ქუთაისში, ბათუმში (3 ფილიალი) და ფოთში.
შეგახსენებთ, საქკაბელი 1958 წელს დაარსდა და 60 წელზე მეტია ზრუნავს
ინდუსტრიის განვითარებაზე. აწარმოებს უსაფრთხო პროდუქციას და
ორიენტირებულია სიახლეების დანერგვაზე.
შნაიდერ ელექტრიკი ფრანგული ბრენდია,რომელიც 1836 წელს დაარსდა და 186 წელია ენერგიის მიწოდების ეფექტურობაზე ზრუნავს. საქკაბელი და შნაიდერ ელექტრიკი 2013 წელს გახდნენ ოფიციალური პარტნიორები, საქკაბელი შნაიდერ ელექტრიკის ოფიციალური დისტრიბუტორია საქართველოში.
საქკაბელი 60 წელზე მეტია 74 ტიპის დენის კაბელს 2000-ზე მეტი სპეციფიკაციის საერთაშორისო ხარისხისა და ევროპული სტანდარტების დაცვით აწარმოებს. კომპანია ფლობს ISO 9001-ის ხარისხის ნიშანს და მინიჭებული აქვს CE მარკირება. საქკაბელის
პროდუქცია აკმაყოფილებს ევროპის კანონმდებლობას ჯანმრთელობის, უსაფრთ
ხოებისა და გარემოს დაცვის შესაბამისობის შესახებ. კომპანია ფლობს ევროპის
ბაზარზე თავისუფალი ვაჭრობის ნებართვას.
