საქკაბელმა სტუ-სთან გაფორმებული მემორანდუმის ფარგლებში, დასაქმების ფორუმში სტუდენტებისთვის ვაკანსიები წარმოადგინა.
საქართველოს ტექნიკურ უნივერსიტეტში, 100 წლის იუბილის ფარგლებში,სტუდენტებისა და კურსდამთავრებულთათვის მასშტაბური ღონისძიება – „დასაქმების ფორუმი – 2022” გაიმართა, რომელშიც მონაწილეობას საქკაბელიც იღებდა.
ფორუმზე სიტყვით გამოვიდა საქკაბელის საზოგადოებასთან ურთიერთობის მენეჯერი, მარიამ ჩინჩალაძე. მან სტუდენტებსა და კურსდამთავრებულებს სიტყვით მიმართა. -,,გვიხარია ასეთ მასშტაბურ დასაქმების ფორუმში მონაწილეობის მიღება. ჩვენი კომპანია მუდამ მზად არის ასეთ პროექტებში მონაწილეობისთვის და სტუდენტების კარიერული განვითარებისთვის”.
საქკაბელი სტუდენტებს მათზე მორგებულ პირობებს და ანაზღაურებად სტაჟირებას სთავაზობს. საქკაბელის შეთავაზებული ვაკანსიებით ბევრი სტუდენტი დაინტერესდა და ანკეტებიც შეავსეს.
სტუ-ის მიერ ორგანიზებულ დასაქმების ფორუმს ესწრებოდა „სან დიეგოს სახელმწიფო უნივერსიტეტი-საქართველოს“ (SDSU-G) დეკანი, პროფესორი ჰალილ გიუვენი. პროფესორმა უნივერსიტეტს მნიშვნელოვან წამოწყებაში წარმატება უსურვა.
ასევე, 24 ოქტომბერს სან დიეგოს უნივერსიტეტის ორგანიზებით გაიმართა მათი პირველი დასაქმების ფორუმი. ფორუმი სან დიეგოს,თბილისის,ილიას და ტექნიკური სახელმწიფო უნივერსიტეტების სტუდენტებისთვის ჩატარდა. SDSU First Job Fair 2022-ზე საქკაბელიც იყო წარმოდგენილი.
საქართველოს ტექნიკური უნივერსიტეტი დასაქმების ფორუმის შესახებ
